Aiutati che il ciel t’aiuta!

Mercator in Aegypto multa et ampla negotia habet. Olim mercator et servus fidus ab Aegypti oris ad insulam Rhodum parvo navigio navigant. Pelagus tranquillum est, sed repente saevi venti undas agitant et navigium in magno periculo est. Tum dominus ad caelum palmas tendit et Neptunum, aquarum deum, sic orat: “Neptune, si tu vitam meam et vitam servi mei servas, tibi promitto multas et opimas hostias in ara tua: et agnos et vitulos et tauros!” Sed servus, dum summo studio vela contrahit, domino dicit : “Certe bonum est in periculis deos invocare, sed melius est brachia movere!”